Aug 16, 2005

今日...F小姐(狗女)提議星期五出去食飯飲野~ 我話最近唔多想出街食飯~

之後我叫佢約左其他人先吧...呢句好明顯就係叫佢自己約人唔好叫我約~

點知呢個咁GE女人~ 佢竟然走去同傑少傾...等傑少又叫返我去CALL人~

正CHEAP精來的~...佢叫我約benny ~ 琛哥同bobo~... 傻的~

Benny擺到明唔想見佢~ bobo同琛哥又唔係同佢熟~ 仲咩要同佢飲野~

之後我同左傑少講個事實~ 我叫佢叫F小姐自己打去約人~ 唔好要我地約~

之後傑少話夜晚YM佢地...講到係我唔做咁~ 痴線的~ 個女人o係度洗我地做野ja~

最後...咪又係我問囉...勁興~.. 加上..我一早預告左個結果o架啦~ 勞氣

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

lunch~ 同傑少同返來的阿寶aren講得好開心~ 笑到我地肚痛...

傑少因為公司一件事俾我封左做蘭桂芳十二少~ 另外有個人係深水步王八蛋~ha~

我地傾左好耐~ 因為今日..佢地班人食lunch遲遲都未返...原來...

阿頭車左佢地去明星..海鮮舫食lunch囉...真係型...遲左半個鐘先返~

下午~ 阿頭在我檯的電話鬧james鬧得好勁..(間project room得兩個電話)~

係惡得好恐怖~ 仲要o係我側邊~ 我好肯定我最近真的很精神緊張~

那刻..我feel到自己心跳得很快...腦有充血的感覺~ 開始feel到頭暈~

不過同時..收到call明日interview~ 明日又要請假了~ 明日請一個鐘...

即係..我今年的年假~ 將會剩下 1 day + 5.5 hour... ~_~

真係cheap~ 搞到請假都要就住就住逐小時咁請... 鬼叫全年得4日假~ ...~_~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

放工又被迫同Ｆ小姐一架火車...呢個女人好Q乞人憎~

我都唔明~ 我又無問你野..亦都唔想知~ 你唔好不斷同我講野囉...

問題唔係唔講得~ ...而係...你要俾我知道你全部講的都是大話囉~

以前我可能心軟...但我而家唔會囉~ 我唔會再信一個滿口謊言的人~

我都唔明我又無問你任何野~你對住我講咁多大話仲咩~你都係想我幫你傳達jei~

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

今晚返學～同pat哥協議左邊個再唔返就正衰仔...haha~

過去搵左阿冰先~ 幫佢細佬買左本習作拎俾佢...之後佢陪我食晚飯~

開心呢~...同佢撐完檯腳後陪佢搭完車我就自己周圍遊蕩~

因為返學而行cwb行到我唔想行了~... 想買野又睇唔岩~ ~_~ 心不在焉~

之後去上堂...只剩返一兩堂...其實..上左同唔上好似無咩分別~ 同note一樣~

返到屋企10點幾了~ 好累...