| º}¬y¤é»x |
|---|
|
今日lunch time時去左天地搵旅遊書，
但睇勻成個架都好似無講武漢、長沙既旅遊書wor!
但總算搞清楚武漢同長沙分別係湖北同湖南省既。
唔知復活節既旅行去唔去得成呢?
夜晚又要返學，
捱左個幾鐘沉悶lecture後，
估唔到咁快就派番assignment 2同quiz卷!
嘩估唔到我無乜點溫仲要病住考都會全班最高分!
今次係M.C.救左我啦。
落堂後我地再留係度傾project，
將四個人既野夾埋果然會有好多問題呢，
好在有D野可以問下阿sir clarify番唔使拗。
咁又傾到十點至散，
個人真係好累。
組員有D位都幾一絲不苟，
咁今晚就由得佢改住先啦。
p.s.放學時既火車上，
同內地組員由紅磡傾到大圍。
要用國語同佢講野，
我諗我無試過一次過講咁多國語!
相信自己既國語都好核突，
但總算係一次嘗試黎啦。
|
