今日繼續開會傾中五份卷,今次傾卷二延伸題。份卷得兩題,以為會好快傾晒,點知都傾左兩個幾鐘!之後開始改卷,先改第一題,都唔算難改,不過之後的睇怕就唔係呢一回事!

下晝要去屯門見工,雖然之前都有寄過信去屯門,但搵左咁多年同見左咁多年工,今次先係我第一次去屯門見工!仲有就係,我而家先發覺原來自己已經有唔知幾多n年未去過屯門,因為有親戚住屯門,加上以前會去青松觀拜山,所以細個時都會幾常去屯門,但自從親戚間轉移左拜年陣地,加上我已n年冇去拜山,所以真係好耐冇去過屯門,我肯定超過10年!講番今日個面試,間學校都係差差地,佢問既都係一D好普通既問題,其中一題就問我點處理D好頑劣學生的問題,仲同我講話我將有可能會遇到D好難搞既問題,叫我有定心理準備,咁即係暗示佢D學生都好惡搞!另外一題係話我住咁遠會唔會好唔方便,因為我將會用好多時間去跟進學生的問題,如果住太遠會好浪費時間,會令自己好疲累,問我會點諗!一時間都唔知點答,唯有話用搭車時間來休息!

而家見左幾份,冇乜邊份o岩心水,或者可以咁講,冇乜邊份我有信心佢會請我,而家D post越來越少,唔通我又會再重蹈覆轍?