100?! (1/2)

100 things in my life

看到有不少朋友都寫左100，咁寡人都睇下寫唔寫到先。
00:01<ol>
<li>鬼胎呢個名係中三時代某位走音人士(Billy)將寡人個名讀歪左，再配埋某一個成語之後出黎，大個左之後就用呢個名，寫od、post newsgroup、放過係icq 一段時間、登文章…
<li>除左呢個名之外，中三時仲比人叫過做breaker，記得果時係一位名為大j駿的朋友將寡人的英文名，夾硬proof (LHS=RHS 之類)佢地係相等的出黎…
<li>家中有父母、兩個細佬…但其實想有個家姐或者妹…
<li>自己係長子，不過身份唔係咁好聽係奉x成婚果隻
<li>除左係長子之外仲係長孫，係寡人一輩裡面年紀最長的人
<li>9月9 日出世，引以自豪(易記)，屬於處女座，但始終都唔敢正面承認，因為男人老狗比人咁話實在唔好…「我係處女……座！」寡人實在講唔出！
<li>果d 潔癖、完美果d 處女座特點自己細過就可能有gei~ 但係現在應該都已經低調左
<li>低調呢句詞係因為一個朋友h 講起，發覺呢句野幾得意，所以就拿左黎用
<li>自己細過時會係聰明果堆，但愈大愈蠢，到現在發現自己應該係無乜腦袋用
<li>印象中(印象)最高分果次係數學97分，全班第二高，錯左一題12*9=96，仲記得果時係唔夠時間check果度
.
<li>成世人剩係試過一次小測出貓。小學五年級，社會科背默九廣鐵路沿線車站，到最後全班係得寡人一個答o岩晒，miss 送左本記事簿比自己。但果時唔知道出貓呢個名詞係解「作弊」。
<li>小六時學人做過一本週刊，每星期出一次，上堂時傳，比老師捉到，叫寡人去問話，寡人當時好驚，但原來係勁讚寡人本野好…(:P)於是由一人創作變成數人創作…最後無做。
<li>派中學時派第四志願，誓神劈願話要中二轉校，不過都係度讀左七年書
<li>會一見鍾情，但自從知道左自己的身世之後都少左。唔鍾意的又會即刻想辦法拒絕
<li>中學時最迷得多的game係三國志，記得中二時每晚去同學屋企玩三國志二玩到比佢屋企人勸喻離開
<li>屋企都幾窮，於是好多野都無乜點去買。自己亦變成左現在無乜野特好名牌
<li>無乜野衫，著黎著去都係果幾件…即使現在番工都無乜點買，但衣櫃裡應該會係有一兩件未cut label的衫
<li>初中時試過比電車撞到，成個人跌左落地。那時才發覺原來電車的外框係用鐵造！之前以為係木造
<li>無因為自己的事入過醫院，亦都唔想入。最近一次去醫院係外婆病左，去探佢
<li>外婆跟女麻女麻已經去世。心中時常會想念。
.
<li>好耐無睇過醫生，記得自從搬左黎呢度都無正式因為病而睇，對上一次已經係兩年前騙醫生紙扮病去睇。
<li>好耐以前係灣仔住過，幼稚園都未讀就搬左去柴灣，中三學期初遷至現在的筲箕灣。
<li>做過五年多童軍，但現在剩係記得d 步操commands。
<li>好細過(幾歲)屋企人成日拿左寡人去比外婆度住。
<li>在學校中唔算活躍，但都因為有少許小聰明而有機會去參加校外比賽。
<li>最威水的一次校外比賽係常識問答比賽，成隊一齊拿左個亞軍。個盃寡人以為學校throw 左，但早兩年番去仲比寡人見到。中六時都參加過天文比賽，成隊一齊拿到優異獎，但係仲勁過皇仁。
<li>好想食煙，但又知道自己一定戒唔到，所以唔敢食
<li>想飲酒但又飲唔到，一飲就面紅，試過飲一罐普通beer 都已經頭暈
<li>自問都好幸運，自己每一年讀的班都係好人，無爭執，無分黨分派，聽番其他班的同學講佢地比自己嚴重好多
<li>常被中學老師評為大細路
.
<li>心裡係愛屋企人，雖然我把口唔係。
<li>想過自殺，但自從知道自殺保險無得賠之後，去諗點樣唔自殺
<li>到現在還能背中一時老師教的岳飛之少年時代，遺憾中一時老師因為教唔晒，於是無教到木蘭辭
<li>初中時愛好軍事，曾背誦孫子兵法第一同第二篇，更加想過去當兵
<li>尤好中史科，明明係中一中二，已經去找d 中四中五的中史書黎睇。但因為唔鍾意geog、hist…於是唔選文科。曾想過會考自修中史，但學校唔比。另一個要寡人選理科的原因係中三時個個老師都話寡人應該讀理科…
<li>小時會哭，但現在我就算好想喊都喊唔出
<li>中五時開始聽gcgoobi，因為無意中聽到某個同學仔打電話去佢度講心事，番到學校就去玩佢，於是一直聽，聽左幾年。幸運地寡人…
<li>自己從那裡偷師，學懂不少講野及安慰他人技巧^_^
<li>會考14分，又cred唔正，成為前後數屆最低分的中六理科生。當時好驚學校唔收，因為學校早前幾屆都唔收呢d 14 分的人，但咁o岩寡人果屆考得特別差，所以幸運地被原校取錄。當時成日想低分D，因為自己想repeat，翌年再考好d
<li>中六時做過學長會副主席，但最後因為某原因被老師辭退
.
<li>中四時做了librian club主席，有兩個中六生被寡人點。當時十分開心
<li>中六時係全級最弱果個，讀書態度又唔好，成日掛住打機
<li>激到學校好嬲，中六暑假時被學校訓話，專登整個test，要寡人合格先至上到中七…(之前學校未試過咁做！) 幸運地pass 到，感謝兩位老師比面。
<li>但上到去又唔努力，臨考al 時學校講，如果唔可以pass 2 個al subjects，就要拿Certificate of completion，唔可以拿畢業證書(又係之前未試過，我覺得學校對我真係好!)。不過都係唔得，所以寡人的銜頭係Cert of Completion…
<li>中學時代夢想讀law，但當然唔得啦，廢話！但曾被中六中七的班主任叫寡人選社工系
<li>中學時代最熟的老師為中四中五的班主任miss lee，仲一路有contact
<li>交得最耐的功課，到現在都有交，就係中四中五時比miss lee的週記。就算無比佢教都繼續寫週記比佢
<li>週記最長的一次用左半本校簿，不過入面有一半係騙番黎，用左一個武俠故事黎充斥
<li>中學時與友人合作創作了一個武俠故事，用番班中人物姓名性格的故事出黎，跟住寡人幫佢寫前傳…後來佢作番後傳，但到現在都未作完，寡人仲想佢繼續交稿，但寡人自己寫緊
<li>最鐘意睇的小說係金庸的武俠小說
</ol>
唔夠位tim~ sorry 呀，要勞煩大家到下篇再續…Thanks~~

No items found.