二月一日

二月一日，原來寡人係呢個od 都有年多，舊的od，係三月被del。呢個account，都就黎寫夠一年喇。近來都無乜意念，或許，寡人是因為對生活無乜感覺吧。雖然係咁，但仍望咁多位繼續捧場，寡人就真係好開心喇。多謝！
.
<hr width=85%>
二月一日晚看了十二夜，其實呢套戲寡人已經在戲院看過一次，但不知是否因為隔得太久，心內卻沒有任何印象。然而，卻看見有些人都說這套戲很好看，那麼寡人就買左vcd 回家看一看。
十二夜講述的是一套在都巿內經常出現的愛情小品。從第一夜：在偶然機會下相見，雙方也有些好感… 第二夜：開始相戀… 第三、四、五夜熱戀，為戀人、為愛情而變得傻、白痴、”o羅”… 第六、七夜因為相處久了，因為某些事情，逐漸發現對方的間題而爭執、拗頸、鬧交、argue，但又會tum番對方… 到第八、九夜的因為小事情(小得如尊嚴)而發脾氣，漸漸覺得雙方距離愈來愈遠，甚至有分手的衝動… 到第十、十一夜發覺自己好像在整件事情中成熟了，成熟了，不如又再嘗試在一起，看看結果會否更好… 第十二夜，都係頂唔住，開始回想，究竟是甚麼原因令自己與對方連起來，想著想著發現原來自己根本都不愛他，於是找地方躲避，希望對方不要找到自己，只恐怕不知怎樣與他交待… 是自己再不愛他？還是說句：「對不起，我誤會了，原來你是我的代替品。」定係講句：「我根本無愛過你。」還有很多很多，但都是難以啟齒的說話。
接著又再回到第一夜，偶然機會下相遇，雙方亦有些好感… 第二夜…第三夜…第四、五、六… 第十二夜，又再番轉頭到第一夜…循環又循環，直到…
很多情侶的過程也是差不多。
陳奕迅、張柏芝所飾演的也不是甚麼遙不可及的人物，陳奕迅只是一個平凡的行政人員，張柏芝所飾演的也只是一個女孩，有friends，一齊玩，亦都有一些陷害的friend… 平凡得根本可能你就是她，她就是你…
在愛中的人總是不忙，戲中的陳奕迅不忙。「我今晚想上黎呀…」「我今晚想見你呀…」縱使張柏芝一直在說：「都係唔好，上得黎都天光啦…」他仍堅持想上張柏芝的屋企。直到中期，陳奕迅找少左張柏芝(相信那時陳奕迅都已經唔係咁愛佢)，張柏芝由於仍在愛中的關係，就o係個mtr轉車又轉車，又搭回頭車咁想見陳奕迅。最後都決定唔去，可能佢覺得佢會阻住陳奕迅做野，又驚陳奕迅話佢煩，於是決定番屋企訓。陳奕迅見佢唔會上黎，於是都熄燈走人。但係良心過意唔去，又見張柏芝咁辛苦，都專登買早餐比佢食。但後來礙於一個關心的電話，又不敢進門。
套戲亦都講左，其實男人的尊嚴放係邊度：男人的尊嚴，周圍都要放d。是的，男人的佔有慾比女人大，呷醋比女人強。女人的尊嚴，放在佢地身上。身上美麗，蓋過了一切。
到中段，他們argue得比較多，但又好似很多情侶一般，計劃去旅行，究竟是因為想同對方去，一起開心？還是不想浪費一張機票而跟對方去？雖然陳奕迅極力想令張柏芝開心，但可以看出，其實畢竟也是不想浪費機票而已。
中間試過因為一d 大事而令陳奕迅看得到中間的分別(男生在愛情裡始終較清醒)，乜野事唔講喇。嗜好唔同，觀點唔同，taste都唔同… 原來大家的view係有咁大的差別。知道對方的眼耳口鼻並不代表知道對方的全部。
看張柏芝愈來愈唔順眼的陳奕迅，終於借小小事情而帶出分手的序幕。原因是…(「Objection, 此事與本題目無關，而且對無看呢套戲的的好唔公平！」「法官大人，寡人係度講果個原因雖然好似沒用，但待寡人再講，法官大人就會覺得有用！」「反對無效，王爺可繼續講話。」「係！法官大人。」) 那個小原因是張柏芝拿番部整好的手提電腦比陳奕迅。陳奕迅跟住話：「呢d 野我叫助手拿咪得lor! 又或者叫個messenger 去拿就得喇。」陳奕迅看張柏芝不順眼，於是張柏芝為佢做的一點少少事，他也不高興(他未見到張柏芝之前是跟同事有講有笑的。)，張柏芝只是希望為情人做少少事，但卻未能得到認同，雖然佢之前係受左好多苦去幫佢拿呢一部notebook，但當然，礙於自己唔想認威，亦沒有對陳奕迅透露一點。陳奕迅同佢講：「你唔駛對我咁好。」(當然亦只不過無事講而講。)張柏芝同佢講出自己的要求：「如果有人對自己咁好，我會好開心架。」寡人當時睇，見到，佢地兩個的出發點同想get的野完全唔同，完全唔同的話，一齊會好辛苦，分開還好。但寡人而家諗番，陳奕迅始終都係講晦氣說話而已，佢應該都想情人對自己好的。
大家分手。分手後陳奕迅鬆了一口氣。而張柏芝卻儘是傷心，觸景傷情，當然跟現實的人一樣，有朋友盧巧音安慰(盧巧音是飾演les，有次想乘虛而入… 但這是題外話)。張柏芝去旅行，名義上參加training，實際上散心(「給我傷心的朋友」)，經過陳奕迅同佢提及的地點，佢總會幻想陳奕迅在此。到最後當然，變得好像成熟了。回港後約陳奕迅見面，想同陳奕迅做番朋友(女生倒比男生慷慨)，但陳奕迅見到，有位上，咁就上左佢喇。大約是陳奕迅不甘寂寞，張柏芝餘情未了，佢地o係番埋一齊。
最後，張柏芝偶然地跳出左整個框框，看到當中的真相，發覺原來自己跟陳奕迅可說是一場遊戲，原來自己根本從沒有愛過陳奕迅，整個場面根本是一場戲，呢個時候，場戲應該完喇，病完了就好。
反而陳奕迅今次黎真，周圍找張柏芝，陰差陽錯，總是找不著，張柏芝釣住佢尾，當陳奕迅回頭時，張柏芝縮埋一二角，陳奕迅很灰心地繼續找時，張柏芝竟找到一個人謝霆鋒，覺得佢都幾有趣呀，於是第一夜又再回來。
內中有不少金句，第一句是：「愛情就如一場病，過了，就好。」謝霆鋒同張柏芝講：「我都試過咁樣跟蹤我女朋友架。」張柏芝問：「後來呢？」謝霆鋒答：「搞到自己病左o羅！不過，而家病好喇。」
.
.
.
<font color=gray>Song List: 黑夜不再來 (<–電影點題歌曲，同套電影勁襯！究竟係睇左劇本先寫詞，定係填左詞先度劇本呢？)
作詞：林夕　作曲：陳輝陽

如果將街燈的光線代表真愛 或者熄燈了會更發現你存在 如果日落西山燈光普照麻木了 蒙住這雙眼令黑夜再來

@誰叫我這樣活該 縛起雙手給你愛 愛到兩腳浸沒在大海不懂再走開@

*熟悉的想講再會 陌生的都很匹配 難怪我永遠懷念飛灰*

如果將香煙點給我代表深愛 莫非煙熄了會更震憾與期待 難道討好我等於鼓勵我去歧視你 一手將心摔下來

#嫌棄你想再會 被丟低想反悔 誰叫我要靠別人待薄才配#

Repeat *

如果一呼氣一吸氣代表相愛 或者淹死我會更發現你存在 如果日夜一起想不起我曾被愛 難道分手會令感動再來

Reapeat @,*,#,*

如何不後悔</font>
.
.
如果大家覺得呢篇悶的話，那實在不好意思。
<hr width=85%>
多謝大家觀看寡人的od，寡人近來都比較累，比較忙(上次隻安眠藥無食就… 低調，寡人都唔知點算)，所以都未能到各位od 人中觀賞。謹此致歉。