小人當道+同學食飯

上星期做完project ，搞完present，再考完過試，玩開果隻online game 個server 又down 埋，做野果度又無乜野做，而家都真係幾free。寡人呢d 命真係搞笑，次次都係咁，一係一堆野趕住要做，一係一樣野都唔駛做，都唔知有無搞錯。
好喇，呢一期由於玩game的關係(考試前都仲可以打…)，所以個人都係專注係玩隻game 的當中，實在比以前無咁虛無，又唔會成日發夢…不過而家隻game down 左，唉…忙真係好掂。正所謂「慶幸每夜那樣疲勞…」。
可能大家都知道寡人做野果度係一間中學，理論上，係學校做，都應該係幾正…起碼學校應該不是傳統辦公室，腥風血雨…寡人至恐慌就係果d…因為寡人係一個唔係太搞關係的人，隨時成為箭靶…
但其實寡人做野呢度都有一些風起雲湧，瞞得過寡人實在沒有問題，但最弊連寡人呢d 咁的蠢人都瞞唔過…那隻死靚妹實在做得太覺喇~ 見高就拜，見低就踩。針針相對著寡人(寡人呢d 校工黎…)。寡人個背脊近期多了很多的傷痕…本來果隻死靚妹未入黎做之前，呢度縱有問題，亦不過是小問題，亦即沒有隔夜仇之問題，無傷大雅…但呢個死靚妹入左黎之後，狂搞風雨，這個地方由風平浪靜轉為浪濤洶湧…寡人要請人打小人呀~~~
而咁o岩寡人今年係犯太歲，根據玄學家方海閱師傅云：「<font color=yellow>同年還有「劍鋒」、「伏屍」、「地煞」、「指背」(<—- 指小人篤背脊的意思)等凶煞星群現，猶如雪上加霜；故此，凡事要提高警覺，並要克制自己切忌與人爭鋒及小心俾人「篤背脊」；又慎防被利器所傷或意外橫禍；若出外遠行，登山遠足，更要注意自身安全。</font>」就係咁，所以可能真係避唔到。
.
實習老師又來學校，不過今年呢一班實習老師比往年的低調…都無乜野可以同佢地交流…
今天是3 月15 日，謹祝朋友s 生日快樂。
<font color=gray size=-2>今日在寡人心房裡，陳小春獻世其中兩句的歌詞時刻閃動著。</font>
<hr width=90%>
早兩日考完試後，寡人讀書果度有人提議一班人食餐飯…講真，我地讀左年半書，都係第一次圍埋一齊食番餐…畢竟大家都係工作人，要約就真係好難。
食完飯後，仲去左旺角的某一間上樓的咖啡店吹水。果間咖啡店唔知大家去過未…因為寡人記性甚差，連名字和街名都不記得，只記得在大久保再向太子方向行一陣，轉入去，跟住搭一架好細的lift，上二樓。收費方式為買coupon，每次埋單都會扣coupon 入面的$$$。寡人早前都略有所聞，但都未去過。
去到同兩個好同學一齊搞事，叫埋晒d 出名國家的咖啡飲：其中一個叫：埃塞俄比亞的咖啡。另一個叫：厄瓜多爾的咖啡(好似係…)，而寡人叫：危地馬拉的咖啡…勁搞笑。全部人的咖啡都齊晒，但係埃塞俄比亞的咖啡未到，於是我地就串佢：埃塞俄比亞連水都無滴，佢地整咖啡真係要整好耐…XXDDD
勁搞笑~
.
對不起，各位，早前實在太忙了，沒有空到各位處參觀，所以真的唔好意思~ 還望各位繼續前來支持呢度…thank you~