關於寫作出版的座談會筆記（無意別看）

昨日同今日(7 feb)都盡左做公民的義務，雖然辛苦時又累，又係第一次，但係如果能夠幫到手，寡人實在安慰。
<HR width=85%>
早前寡人報左一個座談分享會，名為「談情說愛：愛情小說創作及出版分享會」(<a href=”http://www.hkedcity.net/student/eworks/&#8221; target=”_blank”>網頁簡介</a>)。寡人平時都唔睇的愛情小說的，而且亦不會看太多小說，寡人鍾意睇散文、隨筆多…咁…寡人點解會去的呢？嗯…都因為見係免費，而且又有野送，於是就報左喇。
呢一次係香港教育城同點石堂一齊搞的，點解寡人會知呢，因為寡人做野果度成日都要上教育城，就係果度申請左個acc，咁有d 乜野promotion，寡人都會略知一二。哈哈…
成個分享會有兩part，第一part 比較正經，係由點石堂的老闆同佢地的編輯係度講一d 比較business上面的野。第二part 比較搞野，由兩個年青的本地作家(at least 心境年青!!! 呢樣野寡人缺乏左~)，<a href=”http://www.adachu.com/&#8221; target=”_blank”>朱佩君</a>同<a href=”http://www.geocities.com/siu_pat/&#8221; target=”_blank”>李伯衡</a>佢地(知唔知佢地係邊個呢？嗯…按名字有佢地website的!)講下究竟佢地剛剛出果本書有乜野賣點(呢個寡人強調係main point!)，佢地亦都講左某d 係寫作上面要知的野。
um…講下寡人drop 左d 乜野筆記出來先。但係寡人發覺都幾亂，呢度講d ，果度又講d，可能… (低調…)
其實寫一樣野要注意d 乜野呢…換個問題，點樣先至係一個好作家呢？第一、當然係要講心先啦，萬事皆由心而起…無左個心想去寫、去諗、去做，基本上都可以byebye喇(「同byebye肉講byebye」？)。當然包埋恆心啦
另外就當然要去嘗試多方面的野啦，多d 接觸不同類型的野刺激你有一個新的思維，咁自然多題材啦。你所有經歷，都會影響你寫的野，例如一個中學生，佢都未必寫得到一d 好office的野出黎啦。
而風格亦很重要，怎樣培養個人風格？培養後又怎樣發揮？哈哈…(寡人都好似無架bo~) 😛
文筆係點，當然亦都好緊要啦，如果d 文筆唔掂(好似寡人呢d…)，個詞庫唔夠大(好似寡人呢d )，隨時kick(照音讀! 詞庫唔夠的例子)住左係某d 位，咁你創作的心思都會忽然低調左，kick一次，兩次…十次，最後你就會諗：「不如唔好寫…」所以平時多讀書，小說之類初學的可看金庸、三毛…認識他們文字的張力，字裡行間流露的情感，從中觀摩，Practice make Perfect! 編輯亦提及到文字校對都好重要，你自己寫完出黎，實會話覺得好，所以要找人check。
最後如果寫完一篇野出來，如果你係想出書的話，當然就要拿出勇氣拿比d 出版商睇啦，大的出版商，佢地未必得閒比到時間出黎去睇，一日有十篇十萬字的稿send 去佢地email，都唔會睇得晒。(present 呢一part 果陣係個出版社總經理，佢有意叫在座的人send 比佢。哈哈…)所以亦都要主動，去嘗試打下電話問下：「我之前send 過稿黎架，你有無睇過我篇稿呀？覺得點呀？…」
到本書喇，出版時第一個印象好緊要，封面、書名、作者、封底，當然，要搭車拿著來看嘛，所以都…又或者揭幾頁的內容有沒有共鳴…
乜野為之好的小說呢？談及此問題時，講者問了觀眾一個問題：「你幾耐會睇完一本書？」有一個好主動的觀眾即時回答：「三個鐘！」三個鐘？嘩，咪好唔抵？講者講到，其實一本書，令到你愛不釋手，好想盡快睇晒佢的就係一本好的小說，情節絲絲入扣，張力強勁，牽引著你整個心弦，所以睇一本你鍾意睇的小說會比睇其他書睇得快。而且可以借比其他人睇呢，所以係唔會唔抵架喎…(呢句係寡人講的！)講者講到佢試過借本小說比朋友，但係一個月、兩個月都未還到，咁其實可以講係個朋友根本唔鐘意本小說。
好喇，份稿拿到去出版商度，請準備好閣下的planning，Why? When? How?… 中學時七個「w」出番晒黎。佢地buy 你的話，就會同你簽約，一年出四五本書，成為作家喇…
.
兩位年青作家出左一本書，叫做「如果你聽到我的心聲」，是一本少有的男女作家合作的書。從來(即是「從自古以來」)，寫作都是孤獨的(我食飯先殺烏鷹…誰願注定做英雄，留在孤獨長空…)。但原來經過合作，係會有火花出現，而且好似兩個人溫書咁，互相鞭策，快、準、掂好多…(痴線，幫佢地宣傳左tim~stop!!!)
嗯…好多時人們寫故事，都會因為唔同的原因停左…(寡人都試過，每一個都係虎頭爛尾，樣衰。) 其實最主要都係一個恆心去寫，一直寫、寫、寫…或許可以先寫一個大綱，跟住先慢慢寫，那總好過寫到一半就停，因為總會隨著那個flow，不會忘記。
而整個故事，即使未必係親身的經歷亦都需要代入當中，李伯衡就講到，佢寫呢本「如」時，書中有一段低潮，寫緊果度的一段時間，佢都真係低調左一排…如果連自己也感動不了，那何用感動讀者？
在寫作過程期間，難免會氣餒一陣子，兩個作家均異口同聲地說：讀者的支持是他們的原動力。失去了這個支持，都真係幾孤…無錯，呢個日記都係一樣，假若寡人看到無人黎，都真係幾灰…
故此，如果要出一本小說，都真係要恆心同真心。
.
寡人可能係因為太累，所以get野都唔係太多。如有遺漏，都真係唔好意思。寡人幸運地抽獎抽到佢地本書，簡直係開心死…完左之後寡人因為要盡公民的義務，都唔可以比本書佢地簽名tim~ 真係可惜…
寡人有少少關於創作的notes，係早一兩年去參加一個course留下的，等寡人遲少少post 番出黎比大家睇啦。
<hr width=85%>
(好悶呀可？寡人盡量整得有趣架喇，但無奈，一個沒趣的人整d 有趣的野都幾係challenging，唔好意思。)
呢幾日寡人係度研究緊寡人自己係個乜野的人，因為寡人已經肯定了這個od 的自己並不等同於現實的自己(思覺失調？29-283-283)…於是走去找一d 心理測驗之類的野做，但寡人都唔知做乜，連自己一個人玩、玩完自己睇的心理測驗都可以比假答案(XXDDDD)。。。寡人發覺自己真係好有問題。是寡人不想了解自己嗎？但寡人做呢d 心理測驗都係想了解自己o者…是寡人驚自己出黎的result有問題？但寡人又唔似係…究竟係做乜野呢？真p…
寡人今日盡完公民義務完從別人口中(一個識左寡人兩日的，見過寡人不足十小時面的人)得到其中一個答案：「Immature!」中文即係不成熟，所以請大家要小心寡人呢個人。XXDDD
很多時人們都不知自己是一個怎樣的人，也是靠旁人的觀察才能得知。
寡人早前已經知道這個形容寡人的詞語，但原來好幾年後的自己，都是如此…難怪難怪…