生死的啟示

星期六去左看順哥最後一面，好少去呢d地方，所以都有點緊張，一到靈堂就見到順哥張大頭相了，一個熟悉的面孔，但無奈要迫自己接受佢已經離開左…..

見到順嫂還表現得很堅強，不過一有親人前來問候，佢都會哭破喉嚨…..見到呢d情境都令人很傷感，不竟大家相處三十多年了，一時間失去至愛那種心情真係無法想像咁痛！

入去靈堂後室見順哥至後一面，我永遠都無法忘記那一眼，他是我平日見過的順哥嗎？雖然化了妝，面很白的，但不是可怕的樣子，仍然很慈祥和安息。著上number 1制服，很醒目的樣子啊，但可惜仍是壯年的順哥，已經上了天家，留下的只係一個驅殼…..令我至深刻是他的雙手，看見一些針洞，應是搶救時做成的，雙手都灰白了，指甲還變成了黑色。我第一次咁近看一個死了的人，記得好耐之前係阿嫲死時見過一次，但距離不近而且很快就離開了。

直至現在我都仍然想著當時見到順哥最後一面的情境，我只想佢得到安息，守護著佢o既屋企人，好好的在天家生活。

那天阿衡和佢的組員都有來，因為那晚要返夜更，他們坐了一陣便要離開了，我也跟著他們離開。我係鰂魚涌行了一陣，諗起一個至愛的人離開自己，我真係好唔想遇到呢d事但無奈生老病死本屬正常，所以我要親在世的日子好好和阿衡相處相愛，要珍惜他在我身邊的日子，唔想有一天覺得後悔。

想了一想，和阿衡都有成2個星期無出街了，因為近排自己有點咳，不太方便外出，同阿衡食野都只能揀一些清淡的東西黎食，不過阿衡都好好呀，仍然會盡量陪我食飯，之前佢認承過我陪足我食咁多餐飯，唔想我一個人自己食，真係好感激佢呀！我知佢做呢d事都係一個bonus，唔係佢應份o既，所以佢肯咁做證明佢對我好有心^^

盡管有時我都有忍不著氣的時候，真係好怕會影響我們的關係呢，唔知佢會唔會覺得我無佢想像中好呢？情侶間的溝通真係好重要架，無論有時會嬲爆爆又好，但溝通都要有架，如果不是根本唔會明白對方個心諗乜，幸好阿衡也樂意咁做呢，呢樣野真係要好感恩呢。

要經常提醒自己，要好好珍惜一個人對自己的好，有疑惑就要問對方，唔好一來就嬲爆爆，忍埋係個心度！或者有方法解決呢！唔好令愛你的人傷心啊！